CEBU CITY – Gitataw ni PSSupt Royina Garma ang City Director sa Cebu City Police Office (CCPO) nga wala siya nag-apply og search warrant para susihon ang balay ni Councilor Jessielou Cadungog tungod kay wala pa silay nakita nga ebidenysa.
Sukwahi kini sa pagtoo sa mga barangay officials sa Tejero nga basin ug malutsan og search warant ang konshehal hayan ilang gisearch ang panimalay konsehal sa Brgy. Tejero.
Gikasuko kini sa direktor sanglit puro matud pa mga anticipation lang ang tanan ug matud pa niya “advance mag-isip” ang nagpahigayon sa maong search. Tino pa ni Garma nga kung makakita ang taga brgy Tejero nga dunay police nga magpatrolya natural kini sanglit trabaho man kini sa kapulisan gawas nalang matud pa kung ikakurat kini sa mga taga barangay sanglit naanad kini nga taga ila lang ang magroving.
Klaro matud pa nga naghitak ang drogas sa Tejero ug dili siya kombindsido kung trained ba ang mga tanod sa maong dapit.
Dugang pa ni Garma nga dili sila pwede mubasi lang sa ‘anonymous’ nga source angayan matud pa nga midangop unta si Cadungog sa ilang buhatan aron nga ma-asesan sa police kung duna man kini nadawat nga threat.
Daghan matud pa nagrequest og police assistance apan wala sila mahatag kay nagkuwang ug prioridad niini ang Barangay Tejero butang nga gihimug-atan sa Director nga ila unta nga ikalipay.
