Mga buot mokontra sa gobyerno, walay dag-anan sa kasong sedisyon — manlalaban

Walay dag-anan ang katawhan kung buot nilang kontrahan ang gobyerno gumikan kay mas gamhanan kini.

Mao kini ang panglantaw ni Atty. Clarence Paul Oaminal subay na sa kasong sedisyon kinsang gi-atubang karon ni kanhi Senador Antonio Trillanes IV tungod sa giingong pagkalambigit niini sa “Ang Totoong Narcolist.”

Gipasabot ni Oaminal nga ang sedisyon, mao ang pag-aghat sa katawhan nga mo-alsa batok sa gobyerno.

Dugang pa niini nga usa ang sedisyon sa grounds sa revised penal code apan mahimong makapyansa ang akusado og P10,000 sa korte.

Nakita usab sa maong manlalaban lisud pamatud-an ang maong kaso ug pipila sa mga anaa sa oposisyon ang nahukmang guilty sukad pa sa nang-aging mga katuigan.