Gikabutyag ni Ahmed Cuizon, pangu sa Cebu South Bus Terminal (CBST) ug sa Cebu North Bus Terminal (CBNT), nga subay sa ilang monitoring ug pakigtagbo sa mga bus operators niadtong nilabayng semana, wala ra mokunhod ang gidaghanon sa bus, ug nagpadayon kining fully-operational taliwala sa naglagiting nga pagsaka sa presyo sa produktong petrolyo sa kasamtangan.
Mao kini ang gikabutyag ni Cuizon atol sa eksklusibong pakighinabi sa Bombo Radyo Cebu Newsteam kaniya ug iyang gidugang nga ang tanang unit sa mga bus sa duha ka mga terminals, nasayud ug nakasabot ra sa pagsaka karon sa presyo sa produktong petrolyo.
Apan gumikan sa tumong nga dili gusto sa mga operators nga ma pakgang o mabalda ang matag byahe sa mga pasahero.
Samtang, gitataw usab ni Cuizon nga gumikan sa nagkataas karon nga presyo sa produktong petrolyo, nikunhod na ang ginansya sa matag bus companies ug dili na susama kaniadto, ug nisakripisyo sa ilahang operasyon tungod kay nasayud ang sila nga nagpaminaw ang gobyerno, kay sa dili madugay umentohan naman ang mga plitihan usab.
Apan, gipasabot ni Cuizon nga dili kagustohan sa mga bus operators nga pasakahan ang kantidad sa pliti, ug wala nalang kini laing mabuhat kay mahanaw ra ang ilahang pangita tungod gihapon kung nagpadayon ang pagsaka sa presyo sa produktong petrolyo.
