DAVAO DEL NORTE – Gihisgutan karon ang usa ka lalaki sa Samal Island sa Davao del Norte gumikan kay kaya niini nga mapa-amo ang usa ka panon sa putyokan ug ibutang pa niini sa iyahang nawng nga daw susama sa usa ka bungot.
Sa usa ka taho, makita ang video ni Alberto “Boy Totoy” Loon, o alyas Boy Bubuyog, nga gikakuyog sa pagkaon ang mga buyog ug lakip na sa iyahang joyride.
Aron mapamatud-an nga dili edited ang iyahang video, nangita og buyog si Loon dayon butang og dahon sa dunggan aron dili kini masudlan.
Nikuha kini og usa ka buyog sa usa ka punoan dayon butang sa iyahang liog.
Pipila ka gutlo ang nilabay, nagtapok na ang ubang buyog sa nawng, dunggan ug liog niini.
Matod pa ni Loon, nga napa-akan na kini kaniadto og buyog og hapit na kini mabuta og nangayo og pasaylo sa mga buyog.
Niadtong Nobiyembre 2021, nadiskubrehan niini nga kaya niini nga makapa-amo og buyog ug mopatong kini niya nga daw sama sa usa ka higala.
Hawkan pa kini ni Loon ug kauban kini niya nga mangape, magmotor ug lakip na sa iyahang pagkatulog.
Dako og katabang kini og katabang sa iyahang panginabuhian gumikan aduna na kini kuhaan og honey o dogos nga iyahang ibaligya sa tag P250 matag botelya.
Samtang, gipasabot ni entomologist Dr. Amelia Nicolas, ang mga buyog nga moduol ni Loon mao ang Asiatic o Asian Honey Bees o Eastern Honey Bees nga mahimong atimanon, ug lumad sa Southeast Asia ug East Asia.
