Gipaubos sa training ang mga crew sa duha ka bag-ong gunboat sa Philippine Navy nga BRP Tomas Campo (PG-908) ug BRP Albert Majini (PG-909).
Diin ang duha ka barko kay pareho nga fast attack interdictor craft-missile (FAIC-M) nga mga sakayan.
Gipailalom ang mga tripulante sa operasyon ug pagmentinar nga pagbansay alang sa Non-Line of Sight (NLOS) missile system, usa sa mga bag-ong teknolohiya nga gigamit sa bag-ong mga barko.
Gipangunahan ang naasoy nga training sa mga representante gikan sa Rafael Advanced Defense System Limited, ang naghimo sa NLOS missile system nga nakabase sa Israel.
Ingon man nga ang maong pagbansay kay moluntad hangtud sa Pebrero 7, 2025.
Diin ang matag barko adunay unom ka tripulante nga nagpailalom sa pagbansay, nga naglakip sa commanding officer, executive officer, weapons officer, ug uban pang importanteng personel sa mga departamento sa armas.
Ang katuyoan sa kini nga pagbansay mao ang pagtudlo kanila og igo nga kahanas sa parehas nga theoretical instruction ug hands-on application.
Usa usab sa magsilbi nga component niini ang at-sea phase nga magpunting sa pagsuway sa sistema, calibration, ug mga pamaagi sa pagpabuto sa missile.
