Moduso ug ordinansa ang buhatan sa Traffic Enforcement Agency sa dakbayan sa Mandaue alang sa pagpahamtang ug mas dakong multa sa mga maghugaw-hugaw sa kadalanan sa dakbayan Mandaue.
Maapektuhan niini ang mga dagkong sakyanan, sama sa mga mixers, truckers ug uban pang sakyanan nga maglapuk-lapuk ug adunay tagas nga gikan sa basura o grasa.
Mokabat sa 5,000 ang posibleng mamulta sa mga molapas sa ordinansa, tumong niini aron usab nga malikayan ug makunhoran ang mga aksidente sa kadalanan.
Gibutyag usab sa Traffic Enforcement Agency Head Hyll Retuya, nga mag depende pa usab sa konseho kung unsay buhaton sa maong proposed ordinance.
Giawhag usab sa opisyal ang mga dagkong sakyanan nga limpyohan ang ilang mga ligid kung maglatas sa Highway aron nga dili usab sila madakpan.
