CEBU-Padayon sa gihapon ang operasyon sa pagsusi sa mga residente sa mga naapektuhan sa kalit nga pagbunok sa uwan nga nakaresulta sa pagsaka sa tubig baha ug ingon man ang mga natanggong sa ilahang mga panimalay.
Gikatahong 7 ka mga barangay ang apektado sa baha sa dakbayan sa Mandaue ug lakip niini ang Subangdaku, Tipolo, Banilad, Pagsabungan, Ibabao-Estancia, ug Maguikay.
Sa pakighinabi sa Bombo Radyo Cebu News Team kang Felix Suico, MDRRMO, operation Head nga maoy labing unang higayon nga nakasinati og upat ka katalagman; sunog, pagdahili sa yuta, baha, ug ingon man ang nalumos nga 5-anyos nga bata nga niigo sa maong dapit sulod sa usa ka adlaw.
Dugang pa ni Suico nga tungod sa pagbulhog sa uwan nga molungtad og 1-2 ka oras nga hinungdan sa paghuyang sa yuta sa naasoy nga lugar.
Sa pagkakaron, gitutukan na sa City Government diin nakig-koordinar na sa DPWH arun sa pag-ukab sa mga karaan nga mga drainage nga posibleng usa sa mga hinungdan sa pagsaka sa baha.
Kahinumduman nga ubay-ubay nga mga videos ang nikatap sa social media diin ang tubig baha sa lungsod sa Mandaue halos motupong na sa mga tawo.
