Gipanghimakak sa mga biktima sa war on drugs ang mga pasangil nga ang ilang pagbiyahe paingon sa The Netherlands aron motambong sa kumpirmasyon sa kanhi Presidente Rodrigo Duterte gikan sa panudlanan sa gobyerno ug gipondohan sa mga rebeldeng komunista.
Sumala sa International Criminal Court (ICC) Assistant to Counsel nga si Kristina Conti, ang tanang non-government organizations ug mga pribadong indibidwal nga nagsuporta sa hustong paglihok sa balaod nakatabang sa pagbiyahe sa mga biktima.
Giinsistir niya nga walay kwarta gikan sa publiko aron pondohan ang mga biktima.
Dugang niini nga daghang mga tawo ang nagsuporta kanila tungod kay sila mga biktima usab ug nangita og hustisya.
Gihagit niini ang mga nag-akusar nga pamatud-an kung kinsa ang naghimo sa mga pasangil.
