Gianunsyo sa Philippine Football Federation (PFF) nga ang tanang duwa sa FIFA Futsal Women’s World Cup ipahigayon na sa Pasig City.
Sumala sa PFF, dili lakip angVictorias City ug ang Negros Occidental isip host city.
Human sa pagpahigayon og komprehensibong pagtuon sa logistical ug operational considerations ingon man sa kasamtangang sitwasyon, nakahukom sila nga ang Negros Occidental dili mahimong host city, kay matod pa, gusto sa FIFA ug sa Local Organizing Committee nga pakunhuran ang gidaghanon sa mga lugar.
Sugdan na sa Nobyembre 21 hangtud sa Disyembre 7 ning tuiga ang nasangpit nga torneyo .
Gipaambit usab ni Philippine women’s national futsal team coach Rafael Merino ang ilang pagpangandam alang sa labing unang FIFA Futsal Women’s World Cup, lakip na ang pagbansay sa 23 ka miyembro didto sa Japan.
