Mga eksplosibo nakit-an sa sakyanan sa suspek nga napatay sa pagpamusil sa Temple Israel sa Michigan

Padayon pa nga giimbestigahan sa mga awtoridad sa Michigan ang motibo sa suspek human kini misulay sa pagsulod sa Temple Israel synagogue.

Base sa imbestigasyon sa mga awtoridad, nakita dayon siya sa mga guwardiya nga nadestino sa lugar, hinungdan nga gipusil ang suspek hangtod nga napatay.

Walay nasamdan sa nahisgutang lugar, diin nakit-an usab sa mga awtoridad ang daghang mga eksplosibo sulod sa sakyanan sa suspek.

Dali nga gipabakwit sa mga awtoridad ang mga estudyante tungod sa insidente.

Gipadala sa mga awtoridad ang ilang mga personahe sa lugar diin ilang giimbestigahan ang motibo sa nahisgutang insidente.