CEBU CITY-Nakahaya na karun ang patayng lawas sa mga biktima naaksidente nga mini dump truck kagahapung adlawa sa municipal gym sa lungsod sa Boljoon.
Kini ang gipahibalu ni Boljoon Mayor Merlou Derama.
Gibutyag ni Mayor Derama nga nasabutan sa mga ginikanan nga gym na lang sa ilahang lungsod ihaya ang mga patayng lawas arun nga kini ma-usa.
Matud pa sa mayor nga muhatag ang LGU ug burial ug medical assistance, dungan sa paghatag usab ug assistance sa Cebu Provincial Government.
Sigon pa nga atimanun lang una nila karun ang pagpahupay sa gibati sa mga ginikanan nga namatyan, ug isunud niini ang mas lawum nga imbestigasyon sa nahitabu.
Samtang, gitataw ni Mayor Derama nga dugay nang driver si Danilo Nieri ug dili tinu-ud nga naka-inum kini nga nagmaneho.
Nagkanayun ang mayor nga nasayud si Nieri nga aduna kini kuha-un sa bukiran nga bahin hayan imposibli nga nag-inum kini sa wala pa mibyahe.
Giklaru usab ni Derama nga duha na katuig ang maong dump truck nga nadisgrasya ug brand new kini nga napalit. (SBR)
