Gitutukan karon sa Cebu City Fire Office ang mga fire prone barangay sa dakbayan sa Sugbo subay sa mga datos nga natala sugod niadtong Enero hangtud niining kasamtangan.//
Kini ang gipaambit ni SFO3 Wendell Villanueva, ang tigpamaba sa Cebu City Fire Office atol sa pakighinabi sa Bombo Newsteam diin nag-una sa ilang lista kay ang Barangay Lahug nga adunay 14 ka fire incidents, gisundan sa Guadalupe nga adunay 12, ikatulo ang Mambaling nga adunay 11 ang natala ug ang ika-upat kay ang barangay Duljo.
Bisan paman nga dili malikayan ang pag-ulbo sa sunog kay gitinguha gihapon sa mga otoridad nga maminusan ang danyos ug dali nga makarespondi kon gani adunay motumaw ug mamatikdan nga sunog.
Busa, gipahugtan sa buhatan sa kabomberohan ang ilang kampanya sa fire safety awareness, aron makab-ot ang malinawon ug luwas sa pagsugat sa pasko ug bag-ong tuig.
Hilabi na sa paggamit sa mga pangdekorasyon nga suga o Christmas lights, nga usa sa mga kasagarang hinungdan sa sunog matag Disyembre.
Sa pikas bahin, mikabat na sa 80 ka mga panimalay ang naugnaw sa Sitio All Season 3 Brgy. Cogon, Pardo, Cebu City nga nakaapekto sa 323 ka mga indibidwal.
Samtang duha usab ka sunog ang mibulabog sa Sugbo diin sa Labangon adunay walo ka balay ang hingpit nga naugdaw ug upat ang partially damaged ug wala magdugay nisunod ang Cordova.
