CEBU – Kung ang usa ka inahan mokaon og cake, chocolates o uban pang mga snacks kung kini maguol, mahimo usab nga mamahimong emotional eaters ang iyang mga anak.
Matod sa usa ka British study nga ang tyansa sa mga bata nga mahimong emotional eaters naporma sa ilahang kinaiyanhong hilig sa pagkaon (natural eating tendencies) ug impluwensya sa ilahang ginikanan.
Ang emotional eating usa ka matang sa pagpatuyang sa pagkaon og comfort food kung nakasinati og kasubo o kabalaka, ug dili tungod kay gigutom.
Sumala ni study co-author Rebecca Stone sa Aston University sa Birmingham, nga ang ilahang mga nahibal-an nagsugyot nga ang mga bata nga mas madasig sa pagkaon lagmit masagolan og emosyon ilabi na kung adunay dakong impluwensya gikan sa ginikanan nga moresulta na usab sa overeating.
