CEBU – Duha ka giingong sakop sa drug group nga naglihok sa Central Visayas ang nakig-engkuwentro sa kapulisan diin namatay usa ug ang usa nakaikyas niadtong Biyernes sa kaadlawon, Hunyo 17, 2022.
Nahitabo ang engkwentro atol sa buy-bust operation nga gipahigayon sulod sa Chinese Cemetery sa Barangay Carreta.
Giila sa mga otoridad ang napatay nga suspek nga si Mark Ronald Matig-a samtang naka-ikyas iyang kauban nga si Ejay, kinsa giilang si June Tuñacao human sa insidente.
Nisangput ang operasyon sa hamubong panag-away sa sunog nga miresulta sa kamatayon ni Matig-a.
Naigo usab sa iyang dughan ang usa ka poseur buyer apan wala makalusot ang bala tungod sa bulletproof vest nga iyang gisul-ob niadtong tungora.
Gisuwayan paggukod sa mga otoridad si Tuñacao apan napakyas kini sa pagdakop sa suspek.
Kasamtangan pang gipangita sa kapolisan si Tuñacao, kinsa gitumbok ni Pasquin nga posibleng ‘hitman’ sa usa ka drug lord.
Narekober sa mga otoridad ang usa ka unit sa Kg9 rifle gikan sa napatay nga suspek ug nasakmit usab ang tulo ka kilo sa gituohang shabu nga mobalor og P24.4 milyones.
