CEBU CITY– Giyagyag ni Cebu City Mayor Edgardo Labella ang mga mahinungdanong unod sa iyang EO 052-A nga nag-establisar sa mga guidelines nga i-implementar subay sa pagpaubos niini sa dakbayan sa Sugbo sa general community quarantine.
Subling, gihimug-atan sa mayor nga walay lockdown nga mahitabo sa dakbayan ug dili usab kini lockdown ang iyang gipatuman.
Usa sa gihatagan og highlights sa mayor ang aspeto sa ‘proper food handling‘ kung diin iyang gitahasan ang health departments kalabot niini nga siguroo’ng luwas ug limpyo ang mga pagkaon nga ibaligya.
Ang mga maninda ug personnel sa mga kan-anan o restaurant ang kinahanglan nga mag hair net.
Samtang ang mga private og public establishments ang magpahigayon gyud kanunay og temperature checking ug i-practice kanunay ang social distancing.
Hinoon, alang sa mga sidewalk vendors tugutan sila nga mamaligya sa adlaw nga Sabado ug Dominggo sa alas 9 sa buntag ngadto sa alas 7 sa gabii.
‘Mapasalamaton ang mayor’
Gipasalamatan ni Mayor Edgardo Labella ang mga barangay officials ug ang iyang kaubanang opisyal nga nagkahi-usa ug gihiklin usab ang politikanhong issue alang sa pakigbatok sa COVID-19.
Niining panahona sigon pa’s mayor ang angayang magkahiusa aron nga magpabiling COVID-19 free ang Sugbo.
Nagpasalamat usab ang mayor sa mga nurses, doctors ug ubang mga health professionals sa walay pagduha-duha niini og sanong sa iyang kamandoan.
Dako usab ang pasalamat sa mayor sa Media gumikan sa paghatod sa mga importanteng balita ug nanghinaot ang mayor nga dili lang matud pa kini mangaluya aron nga pakigbatokan ang krisis nga gi-atubang karon dili lang sa dakbayan apan sa tibuok nasud.
Refer to this link for the presscon: https://www.facebook.com/BomboRadyoCebu963/videos/149297472979093/?_nc_cat=102&_nc_sid=b96e70&_nc_eui2=AeHs6b4tFNJd-YNreDMDM4BMlU5TwVn1Bjk0msKcnwOOq1FvW9fpejTNMaHIfW0tKfnHSVB3pNvj8ma-beP99MRrqHNrbtz7qFtejy0bxKlwxA&_nc_ohc=T9a1oTIanugAX9ARwqa&_nc_ht=scontent.fceb1-1.fna&oh=d1efa3a0063dd13fe19015c502210b38&oe=5E94FEE9&dl=1
