Cebu City-Subling gipahibalo sa nagdumala sa Cebu North Bus Terminal sa mga mubyaheay nga likayan na lamang ang pagdala ug mga mahait nga hinagiban sanglit kini ang kumpirskahon gayud ug dili sila makasulod sa terminal.
Kini maoy gibutyag ni Nemesio Lumapat, ang administrador sa maong terminal.Matud niini nga ang mga makahubog nga ilimnon, mahaot nga hinagiban , butane ug unsa pang mga gamit nga makahatag ug peligro sa mga pasahero ang dili gayud tugutan nga makalarga.
Suma niini nga ila kining e turn-over sa kapulisan aron didto nalamang nila lukaton.Apan kadtong mga magdala ug kutsilyo nga gamit sa ilang trabaho hilabi na sa mga mag ihaw ug baboy, matud pa nga kung dili ra kaayo dako, ila kining ibilin sa driver sa bus ug kuhaon na lamang nila kung munaog na.
Samtang andam na usab ang North Terminal diin duna nay mga security personnel nga gipangbutang aron sa pag check sa mga dala sa pasahero.Apan gipahimangnuan lang gihapon ni Lumapat ang mga pasahero nga magbantay gayud sa ilang mga gamit aron nga dili sila makawatan. Nasayran nga karong semanaha, 24 oras nga abli ang terminal.
