Giangkon ni Task Force on Media Security (PTFOMS) Undersecretary Jose Torres Jr., nga wala silay mahimo alang sa ‘hot spot’ areas of concern sa nasud kon dili sila mohatag og dugang security escort sa mga media workers karong panahon sa eleksyon.
Ingon man nga daw mamahimo gihapon mohangyo alang sa mga ‘hot spot’ nga mga lugar nga gikabalak-an sa nasud.
Nasayran nga bag-o lang gitaho sa Commission on Elections (Comelec) ang 1,619 ka pasiunang areas of concern alang sa umaabot nga midterm elections.
Busa, ang kadagkoan sa task force mihangyo usab nga padayon nga tagdon ang kaluwasan sa mga sakop sa media ug dili moapil sa mga kalihokan nga makabutang sa peligro sa ilang kinabuhi.
Hinungdan nga nanawagan sila sa mga media nga magmatngon kanunay ug dili mosulong sa mga dapit nga delikado.
Dugang gipasabot ni Usec. Torres Jr., nga kinahanglang makig-alayon ang mga media workers sa mga otoridad kon moadto sa ‘hot spot’ nga mga lugar ug importante usab nga ikonsiderar kanunay ang kaluwasan sa tanan.
Kung giatake ka, mahimo nimo kini i-report sa PTFOMS ug tabangan ka namon kung gusto nimo pasakaan og kaso o ipatawag ang bisan kinsa nga nakalapas sa imong mga katungod o gusto nga hulgaon ang imong kinabuhi. Bisan online o face to face meta verse o tinuod nga kalibutan,’ matod ni Torres Jr.
