METRO MANILA-Pipila ka adlaw human sa paghuros sa hanging habagat ug sa bagyong Carina sa nasud, niabot na sa 3.6-M ang mga apektadong indibidwal sa niaging dautang panahon.
Basi sa datus sa Department of Social Welfare and Development, ang maong indibidwal katumbas sa 1.1 milyones ka pamilya nga apektado sa kusog nga ulan ug pagbaha.
Kini gikan sa kapin 3,500 ka barangay sa onse ka rehiyon sa Pilipinas.
Sa pagkakaron, moabot sa 16,000 ka pamilya ang nagpabilin pa sa mga evacuation centers, katumbas sa 62,000 ka indibidwal.
Gipasalig usab sa ahensya nga magpadayon sila sa pag-apod-apod sa mga hinabang sa mga apektadong pamilya.
Sa pinakaulahing datus sa DSWD, niabot na sa P228.6-M ang kantidad sa humanitarian assistance sa LGUs.
Naka-deliver usab kini og 943,749 ka family food packs sa NCR, Central Luzon, CALABARZON, MIMAROPA ug Bicol region.
