Gibabagan sa mga nagprotesta sa Israel ang mga aid truck nga paingon sa Gaza.
Ingon man nga gitumban ang mga suplay nga ipanghatag unta sa mga Palestinian nga natanggong sa gubat sa Gaza.
Ang insidente nahitabo taliwala sa pasalig sa gobyerno sa Israel sa walay hunong nga humanitarian nga mga suplay sa teritoryo.
Sumala sa abogado nga nagrepresentar sa mga nagprotesta, 4 nga mga nagprotesta sa Israel ang gidakop lakip ang usa ka menor de edad sa checkpoint sa Tarqumiya, kasadpan sa Hebron sa West Bank nga sakop sa Israel.
Sa usa ka video nga nagpalibot sa social media, ang nagprotesta nga mga Israeli makita nga naglabay sa mga suplay gikan sa trak ngadto sa dalan diin ang mga sulud, giablihan nga mga karton ug gikatag sa dalan.
Sa miaging semana, 4 ka tawo usab ang gidakop sa habagatang Israel human ang mga Israelis nagpahigayon og susamang protesta aron supakon ang paghatod sa humanitarian supplies ngadto sa Gaza, nga kontrolado sa Islamist nga kalihukan nga Hamas.
Kalabot niini ang Israeli police naglunsad og imbestigasyon nga miresulta sa pagkasikop sa mga suspek.
