CEBU – Gipasalig ni Cebu City Councilor Niña Mabatid nga dili mahitabo nga matang-tang ang mga Job Order Employees sa Cebu City Hall.
Kini ang gibutyag sa konsehal nga ila matod pang hingusgan nga dili mawad-an ug trabaho ang mga JOs sanglit mas daghan ang nagkinahanglan karon ug trabaho samtang mas nagkinahanglan usab matod pa karon ang dakbayan ug daghang moabag sa mga trabahu-on ilabi na nga adunay nasinating pandemya.
Kini ang usa sa mga reaksiyon ni Mabatid sa giduso nga rekomendasyon ni Councilor Alvin Dizon nga i-convert ang budget matod pa alang sa mga JOs ngadto na sa gastuhan sa medisina, burial assistance ug sa livelihood sa katawhan.
Apan usa si Mabatid nga nidepensa sa mga Job Order Employees. Gihagit pa niini ni Councilor Dizon nga mosuroy sa mga brgy. aron makita ang tinuod sitwasyon sa mga tawo ug aron usab masundan ang kahago sa mga JOs nga mao ang niabag usab sa syudad.
Nasayran nga anaa sa 5,000 ka mga trabahante sa City Hall diin daghan usab niini ang mga Job Order employee.
