Nagpadayon ang imbestigasyon sa Philippine Drug Enforcement Agency (PDEA-7) sa uban pang mga miyembro sa pamilya sa gitudlong drug lord Franz Sabalones kinsa posibleng adunay kabahin sa kabtangan ni Sabalones.
Una niini, gihulat pa ang pre-trial sa civil forfeiture case sa mga kabtangan sa giingong drug lord.
Sigon kang PDEA-7 Assistant Regional Director Tessa Albaño Tiuzen nipagawas og mando ang Regional Trial Court Branch 18 sa Asset of Preservation alang sa tulo ka mga bank account og walo ka kabtangan sa Sabalones nga nagkantidad og P350 milyones.
May kalabutan ang maong pag-freeze sa mga kabtangan sa Sabalones nunot sa imbestigasyon sa Anti-Money Laundering Council (AMLC) may labot sa koneksiyon niini sa iligal nga drogas.
Kahinumduman nga Agosto tuig 2016 niatubang si Sabalones sa otoridad aron susihon ang report nga nalakip sa narco-list ang igsuon niini nga si San Fernando Vice Mayor Fralz Sabalones.
Niadtong Abril 18, 2019, gipusil patay si Sabalones sa wala mailhing mamumuno sa Timog Avenue, Quezon City. (gs)
