CENTRAL VISAYAS-Mipadayag og iyahang mensahe si Most Rev. Jose Palma, ang archbishop sa Archdiocese of Cebu ngadto sa mga nikandidato sa kabahin sa Barangay and Sangguniang Kabataan Elections (BSKE) 2023, karung umaabot nga Lunes, Oktubre 30, 2023.
Partikular nga gitumong sa arsobispo ang mga nagtinguha sa pagkuha sa mga tahas sa pagpangulo, nagpasiugda sa kamahinungdanon sa tinuod nga dedikasyon ngadto sa komunidad.
Matod ni Palma nga ang pagbotar sa katawhan sa umaabot nga piniliay kay usa ka sagrado nga pag-ehersisyo sa ilahang katungod busa angayan lang gayud nga sayron ang tumong ug pagka sa mga nikandidato sa bisan unsa nga posisyon sa baranggay.
Gidugang sa arsobispo nga kita mu-botar dili lang alang makadawat og bisan unsang ganti, kung dili kay gumikan nakahibalo kita nga ang i-botar nga kandidato kay usa ka maayo nga lider ug kwalipikado sa paggunit sa posisyon nga gitinguha niini.
Sa pikas nga bahin, adunay gipaabot usab ang tigpamaba sa Commission on Elections (Comelec) Cebu nga si Omar Shariff Mamalinta.
Nipahinumdom kini sa mga botante sa hustong pagsusi sa mga plataporma nga gipresentar sa mga kandidato nga magtigi sa posisyon sa umaabot nga 2023 Barangay ug Sangguniang Kabataan elections karong umaabot nga piniliay.
