CEBU – Karong adlawa atong gisaulog ang kapistahan sa Birhen sa Santo Rosaryo ingon man ang Holy Rosary Month.
Apan, gikabutyag ni Dr Rene Josef Bullecer, usa ka international human advocate, nga dili na susama kaniadto ang mga kalihokan alang sa kapisahan sa Birhen ingon man mga kalihokan karong buwan sa rosaryo.
Gani nagkanayon si Bullecer nga niadtong panahon sa Covid-19 surge , inay ang simbahan maoy manguna ug mopatigbabaw sa katawhan mas una man hinuon kini nga nanira.
Gihimug-atan ni Bullcer nga angayang timan-an sa katawhan nga tanang bahin sa rosaryo balaan.
Bisan paman nga na-out of focus na ang katawhan ug nangawala na ang na-andan nga mga kalihokan, matod pa ni Bullecer angayan gihapon nga mapabilin ang makanunayon nga pag-ampo sa santo rosaryo kung dili man kini ma-initiate sa kadagkaon angayan gihapon kining ipadayon sa tagsa-tagsa ka panimalay.
