CEBU CITY-Malinawon ug hapsay ang mga kalihukan sa Cebu City sa bag-o lang nga nahuman nga pagsaulog sa ika 38 ka tuig sa Edsa People Power Revolution nga gihimo sa milabay nga adlaw.
Mao kini ang gitino ni Police Col. Ireneo Dalogdog, ang City Director sa Cebu City Police Office, nga bisan paman sa kadaghang mga kalihukan nga gihimo sa nagsunod nga adlaw sa Dakbayan, sama sa rally sa mga progresibong grupo ug ang prayer rally sa South Road Property, wala’y natala nga ‘untoward incident’.
Matud pa sa opisyal nga tungod kini sa gipakatap nga mga sakop sa kapulisan arun sa pagsiguro nga han-ay ug magmalinawon ang Dakbayan.
Kahinumduman nga una ng gibutyag ni Dalogdog nga anaa sa 360 ka mga kapulisan ang ilang gi-deploy arun sa pagbantay sa kalinaw ilabi na ang Prayer Rally diin gipangunahan ni kanhi Presidente Rodrigo Duterte, uban sa iyang anak ug Davao City Mayor Sebastian Duterte, ug Davao City Representative Paolo Duterte.
Ingon man nga nagpasalamat ang mga coordinator sa naasoy nga kalihukan, gumikan nagmalampuson ug walay natala nga bisan unsang kakulian nga nahitabo.
