Gidagsa sa mga manimbahay ang mga simbahan sa Sugbo atol sa pagsaulog sa tibuok Romano Katolikong Simabahan sa Miyerkules sa badlis (Ash Wednesday), Pebrero 18, 2026.
Gani sukad pa kagahapon kay isig nag pagpangandam ang mga simabahan susama sa Archdiocesan Shrine of San Nicolas de Tolentino Parish Church sa dalan C. Padilla, Barangay Pahina San Nicolas ning dakbayan sa Sugbo sa ilang pagsunog sa mga karaang gibenditahang mga lukay aron gamiton sa pagbadlis sa pag-abli sa panahon sa kwaresma.
Sa esksklusibong pakighinabi sa Bombo Radyo Cebu News Team kang Rev. Fr. Sherwin Leo Ferrafer nga ang simbolo sa pagbadlis sa agtang kay ang pagpahinumdum sa katawhan nga gikan kini sa abo ug mubalik kini sa abo.
Usa kini sa gitanyag nga mga kalihukan sa simbahan sa paghimaya sa pagkabuhi ni Hesu Kristo sa kalibutan pipila ka milenya ang milabay diin nagpahinumdum sa kamahhinungdanon sa pagpatigbabaw sa gugma ug pagpaubos sa Labawng Makagagahum.
Laing pahimangno sa simbahan sa pagpuasa sa mga kasarangan nga mga ginabuhat nato matag adlaw nga wala nakatampo og dakong kaayuhan sa kaugalingon ug katilingban. Sama sa pahimangno niini sa pagpuasa gikan sa mga gadgets o bisag unsang ginama sa teknolohiya nga nakahatag og pagkalinga (distraction) sa personal nga interaksyon sa isig ka tawo.
