Mga kawani ug opisyal sa Mulanay, Quezon, gidili ang pagmug-ot

CEBU – Nipatuman og “smie policy” si Mulanay, Quezon Mayor Aristotle Aguirre alang sa mga kawani ug opisyal sa lokal nga kagamhanan.

Ang maong polisiya anaa sa gipagawas nga executive order (EO) ni Aguirre, nga usa sa mga flagship program sa lokal nga kagamhanan.

Sa maong EO, gimandoan ang tanang kawani ug opisyal sa matag departamento, opisina, units ug seksyon sa lokal nga kagamhanan nga magpahiyom kanunay sa pagserbisyo sa ilang mga katagilungsod.

Gihimug-atan ni Aguirre nga kinahanglan kini nga buhaton aron ipakita ang usa ka kalma ug mahigalaon nga palibot sa ilang gialagaran.

Ang dili motuman sa polisiya pahamtangan og disiplina base sa nalatid sa civil service code.