Mga konsehal sa Cebu City makabaton og kaugalingon consultant

GIBUTYAG ni Cebu City Mayor Edgardo Labella nga mahimong makabaton ang mga konsehal og kaugalingong consultants, kaalyado man sa pulitika o dili.

Kini sukwahi na sa nakalabay nga administrasyon diin nakabaton ang mga konsehal ubos ni kanhi Mayor Tomas Osmeña og consultant.

Matud ni Labella nga kinahanglan nga makakuha ang matag konsehal og usa ka consultant samtang maka-hire usab ang vice mayor og hangtud sa tulo ka mga consultants.

Dugang pa niini nga makabaton usab og kaugalingong sakyanan ang mga consultants isip service vehicle aron makabisita sa mga lumulupyo sa dakbayan sa Sugbo.

Gusto usab sa mayor nga diretso ang trabaho sa mga konsehal ug consultants diin wala kini sagul nga pulitika.