CENTRAL VISAYAS-Giawhag ang mga konsumidor nga magdaginot sa enerhiya taliwala sa hulga sa ubos nga suplay sa kuryente apan taas nga panginahanglan sa kuryente, nga mahimong moresulta sa rotational brownouts sa pipila ka mga dapit sa Cebu Island.
Gitino ni Michael Ligalig, ang government relations and regional affairs lead specialist sa National Grid Corp. of the Philippines (NGCP) Cebu ug Bohol area, nga ang transmission firm nipagawas og yellow alert warnings alang sa Visayas grid.
Gipasabot niya nga ang yellow alert kabahin sa warning system sa NGCP aron mapahibalo ang distribution utilities ug mga konsumidor sa dili igo nga operating margin.
Apan, walay hulga sa rotational brownout ubos sa yellow alert, tungod kay kini nagpakita lamang nga ubos ang power reserves.
Dugang pa,ang NGCP nag-awhag sa mga konsumidor sa pagpakunhod sa konsumo sa kuryente panahon sa yellow alert.
Apan sa kaso sa red alert, nga usa ka mas grabe nga sitwasyon, si Ligalig miingon nga ang NGCP motambag sa mga distribution utilities sa pagpatuman sa manual load dropping o rotational brownouts sa mga partikular nga kasilinganan o rehiyon aron malikayan ang total blackout kung ang sistema anaa sa stress.
