CEBU CITY-Mipadangat sa ilang yangungo ang mga konsumidor sa Metropolitan Cebu Water District (MCWD) kabahin sa mga water distribution nga gihimo sa maong buhatan ngadto sa kabarangayan gumikan kay pipila lang ka barangay sa dakbayan sa Sugbo, Mandaue, ug Talisay ang anaa sa schedule sa MWCD nga hatdan og tubig matag adlaw.
Gumikan niini mipaabot sa ilang kabalaka ang mga residente nga wala nalista sa schedule sa water districutions nunot sa gidak-on sa mga lugar sakop sa MCWD, kana gumikan kay nwala silay tubig nga magamit.
Giklaro ni Minerva Gerodias, ang tigpamaba sa MCWD nga gikinahanglan nga makig-alayon ang mga Barangay Offcials o Local Government Unit sa ilang buhatan arun mapahigayon ang water distribution ngadto sa mga konstituwenteng konsumidor.
Subay niini, nangayo pagbalik og pasensya si Gerodias sa mga nasinati nga kakulian tungod usab sa kakuwang sa supply sa tubig apan, mipasalig kini sa katawhan nga padayon ang ilang pagbuhat og mga lakang arun masolusyonan ang problema sa tubig.
