Mga kritikal nga ‘Military Factory ‘sa Russia, naigo sa Ukraine

Gikumpirma ni Ukraine President Volodymyr Zelensky nga naigo sa ilahang military forces ang mga importanteng military factories sa Russia.

Matud pa nga ang maong planta naggama og electronics ug mga component para sa mga missile sa Russia.

Gigamit nila ang mga missile sa British Storm Shadow aron maigo ang Kremniy El plant sa Bryansk border region.

Gipahibalo usab sa Russia nga sa insidente, unom ka sibilyan ang namatay ug 42 ang nasamdan nga ilang giisip nga terrorist missile attack.

Gipasalig sa Russia nga mubalos sila sa gibuhat sa Ukraine.