Subsob na ang pagpangandam sa mga nagkadaiyang Local Government Unit sa Sugbo alang sa umaabot nga Association Southeast Asian Nations Leaders Summit nga gikatakda nga mahitabo sa buwan sa Mayo.
Bout nga hatagag pagtagad sa mga nagkadaiyang kagamhanan ang hapsay, presentable ug luwas nga latasan sa mga delegado nga mosalmot sa maong kalihokan.
Lakip nga gipangandaman sa kagamhanan sa Dakbayan sa Sugbo mao ang pagpanglimpyo sa latasanan sa mga tourista nga posibleng mobisita sa dakbayan panahon sa Summit.
Matud ni Cebu City Mayor Nestor Archival, nga pipila sa mga palimpyohan sa siyudad ang mga lugar doul sa South Road Properties, Cebu-Cordova Link Expressway (CCLEX),ug mga Tourist spots sa dakbayan nga posibleng duawon sa mga delegado.
Palimpyohan usab sa dakbayan ang bahin sa Pasil nga usa sa hangyo ni Gov. Pamela Baricuatro gumikan kay sa nakalabay ila kining gitabunan.
Matud usab ni Nagiel Bañacia, ang pangulo sa City Disaster Risk Reduction and Management Office sa Lapu-lapu, nga usa sa ilang gipangandaman mao ang hapsay og hugot nga siguridad, lakip na ang pagpreparar sa mga lumulopyo kung ugaling adunay motumaw nga emerhensiya panahon sa Summit.
Gihimug-atan usab ni Cebu Governor Pamela Baricuatro, nga aron usab mas mahimong hapsay ang maong kalihokan, sa panahon sa gabie kinahanglang adunay curfew ang mga menor de edad.
