CEBU – Tagsa-tagsa nga miluwat og anunsyo ang mga nagkadaiyang municipalidad aron ipahibaw sa ilahang katawhan ang suspensiyon sa klase.
Lakip sa nipatuman og suspensiyon sa klase ang Talisay City, Cordova, Mandaue City, Catmon, Daanbantayan, Argao, Cebu City ug dakbayan sa Lapu-Lapu.
Kini subay na usab epekto nga dala ni Tropical Depression Paeng kung diin pipila ka bahin sa Sugbo ang gipaubos na sa Signal No.1.
Gawas sa pagsuspenso sa klase, gimando usab ni Lapu-Lapu City Mayor Junard “Ahong” Chan ang pagsuspenso sa ubang aktibidad sa city hall karong adlawa, lakip ang Fiesta 2022 Kick-off, City Hall Trick or Treat, ug Horror Both.
Gitambagan usab ang kadaghan nga magpuyo lang sa ilahang tagsa-tagsa ka pinamalay o pagbakwit kung bahaonon ang lugar aron pagmonitor usab sa uwan nga magpahinabog mga pagbaha ilabi na nga niluwat usab og pasidaan ang Philippine Atmospheric, Geophysical and Astronomical Services Administration (PAG-ASA) og heavy rainfall warning sa pipila ka lugar sa Sugbo.
