Ni paabot ang nagkadaiyang mga lider sa nasud t sa pahalipay sa bag-ong natudlo nga Santo Papa nga si Pope Leo XIV.
Kadaghanan kanila gusto nga magtrabaho kauban si Cardinal Robert Provest nga may kalabot sa mga isyu sa kalibutan.
Ang Presidente sa US nga si Donald Trump ang nanguna, nga nag-ingon nga ang pagkapili ni Cardinal Prevost makasaysayanon tungod kay siya ang labing una nga Santo Papa sa Amerika.
Sa hiniusang pamahayag usab ni European Council President António Costa ug European Commission President Ursula von der Leyen, masaligon sila nga gamiton sa Santo Papa ang iyang tingog sa paghiusa sa mga nasud.
Sa pikas bahin, ang Presidente sa Russia nga si Vladimir Putin nanghinaut usab sa bag-ong Santo Papa nga megaton ogv maayong panglawas.
Kahinumduman nga mga alas 12:05 sa udto niadtong gahapon, oras sa Pilipinas, mibulhot ang puting aso gikan sa chimney sa Sistine Chapel, nga nagpasabot nga ang 133 ka mga cardinal mipili og Santo Papa.
Human sa usa ka oras, si Cardinal Protodeacon Dominique Mamberti, nigawas sa balkonahe sa St. Peter’s Square Basilica aron ipahibalo nga usa ka bag-ong Santo Papa ang napili.
Pipila ka minuto ang milabay, pormal nga mitungha si Papa Leo XIV, nga nagwarawara sa mga tawo ug nag-abiba gikan sa gatusan ka libo nga mga tawo nga mitambong sa pagpili sa bag-ong Santo Papa.
Sa iyang unang pakigpulong isip Santo Papa, iyahang gitimbaya ang mga katawhan.
Sa iyang pakigpulong, iyang gipahalipayan si anhing Pope Francis ug gidasig ang publiko sa paghinumdom sa iyang mga nahimo.
Nagpasalamat usab ang Santo Papa sa iyang mga kaubang cardinal nga mipili kaniya.
Human makasulti og Italyano, nagsulti usab siya og Kinatsila sa iyahang pamahayag, nga giingong andam kini nga magtukod og taytayan alang sa halapad nga dayalogo ug pagkab-ot sa kalinaw.(Bombo Irene Ardiente)
