Nagping-at ang kadaghanan subay sa opisyal nga implementasyon sa taas nga presyo sa produktong petrolyo gumikan na sa nagpadayong init nga tensyon sa Middle East.
Apan gawas sa mga motorista nga naglingo-lingo sa presyo partikular na sa gasoline, lakip na usab ang mga mag-uuma ang labing dakong apektado sa pagsaka sa presyo sa produktong petrolyo sa tibuok nasud.
Bisan paman, wala gisalikway ni Danny Caranza, ang Secretary General Kilusan, Repormang Agraryo at Katarungang Panlipunan
nga bisan paman nga wala ni ang tensyon sa Middle East, hagbay ra nga ga antos ang mga mag-uuma sa nasud, labi na kadtong mga nag-prodyus og mga basic nga mga pagkaon.
Mao kini ang gikabutyag ni Caranza atol sa eksklusibong pakighinabi sa Bombo Radyo Cebu newsteam kaniya, diin iyang gidugang nga ang maong kagubot sa Middle East karon nidugang lang sa kabug-at nga gipas-an karon sa mga mag-uuma.
Ilabi na sa hisgutanan sa pagkalugi sa matang sa importasyon sa
mga produktong agrikultural.
Busa, naghatag lang kini og walay kapursigidohan sa mga mag-uuma gumikan buot nalang sa pipila ka mga mag-uuma nga dili lang una manguma kay mas klaro ang pagkalugi niini nunot sa padayong saka sa presyo sa produktong petrolyo.
Dugang niini, gihumug-atan ni Caranza nga ang usa sa dapat pagalantawan niini nga hisgutanan mao ang kabahin sa lebel sa kalisud, ug lebel sa kagutom sa wala pa ang kagubot sa Middle East nga miresulta sa pagtaas sa presyo sa mga produktong petrolyo.
Samtang, gitino niini nga gikatahong nitaas ang datos sa separated poverty ug sa self rated hunger nga nagpasabot nga adunay daghang nasudnon ga nag-antos sa tumang kalisud ug kagutom.
Busa, ang maong tumang kalisud ug kagutom, mas mosamot pa nunot sa walay puas nga pagtaas sa presyo sa mga produktong petrolyo.
