CEBU – Gibutyag ni Department of Education-Central Visayas Director Salustiano Jimenez nga nagkataas ang sweldo sa mga magtutudlo sa publikong tunghaan matag tuig.
Kini human gisang-at ni ACT-Teachers Party-list Representative France L. Castro ang House Bill 203 nga nagtinguha sa pag-upgrade sa entry pay rate sa mga magtutudlo.
Nasayran nga ubos sa maong balaudnon, ang entry rate sa mga public school educators mahimong P35,097 gikan sa P25,439, teaching personnel sa higher education ngadto sa P38,150 gikan sa P27,608, ug P30,000 isip entry-level nga suweldo sa mga magtutudlo sa pribadong tunghaan.
Gihimug-atan sa opisyal nga sa first 100-days ni Vice President Sara-Duterte Carpio, isip Education Secretary, usa sa pinakadako nga nahimo niini mao ang pagbalik sa face-to-face klases.
