Mga magtutudlo sa Singapore, gitugotan nga bunalan ang mga estudyante

Gitugotan sa Singapore ang paggamit og corporal punishment sa mga magtutudlo isip porma sa disiplina sa mga estudyante, sumala sa Ministry of Education sa nasod.

Matod ni Singapore Education Minister Desmond Lee, ang mga magtutudlo mahimong mogamit og disiplina pinaagi sa pagbunal sa mga estudyante nga nag-edad og siyam pataas, apan ubos kini sa istriktong mga lagda aron masiguro nga dili masakitan ang mga bata.

Giuyonan usab kini sa pipila ka mga prinsipal ug school administrators isip kabahin sa pagpatuman sa disiplina sa mga eskwelahan.

Sa karon, ang mga magbabalaod sa Singapore nagtrabaho sa usa ka balangkas o framework alang sa standardized student discipline policy nga gilauman nga ipatuman sa sunod tuig.