Gipahimangnoan sa Commission on Elections-7 nga ang mga mananaog nga kandidato sa 2025 Midterm elections posibleng dili maka asumir sa ilang tagsa-tagsa ka mga posisyon kung mapakyas sila pagsumiter sa ilang Statement of Contributions and Expenditures karong adlawa.
Matud pa ni COMELEC-7 Regional director Atty. Francisco Pobe nga sa 2,385 ka mga kandidato 839 lang niini ang naka file sa SOCE.
Dugang pa ni Pobe nga ang mapakyas sa pagsumiter sa SOCE posibleng maka-apekto sa ilang posisyon hilabi na sa mga nakadaog sa mga elective post sa Mayo 2025 nga midterm nga eleksyon.
Samtang ang napakyas nga mga kandidato nga wala usab kasumiter, posibleng mag-atubang ug kasong criminal ug diskwalipikasyon sa sunod nga election.
Kahinumdoman nga mibutyag si Comelec Chairperson George Erwin Garcia nga ang karong adlawa lang ang deadline sa pag-file sa SOCEs ug wala nay laing adlaw. | Bombo Nathaniel Sandoval
