Gipasidunggan sa Regional Tripartite Wages and Productivity Board-Region VII ang mga nagmalampusong nidaog sa 2025 Regional Productivity Olympics pinaagi sa usa ka awarding ceremony sa niaging semana.
Gibana-bana nga anaa sa 10 ka mga Regional Winners nga mag micro, small, ug medium enterprises (MSME’s) ang malipayong nidawat sa ilahang mga award gikan sa RTWPB.
Sa matag usa sa mga mananaog, nakadawat og cash prize nga nagkantidad og 10,000 pesos ug usab certificate of recognition.
Kahinomdoman nga nagsugod sa tuig 2008 ang Productivity Olympics diin, paagi kini aron magpasi-ugda sa productivity, quality standards, ug nagpasundayag sa mga best productivity improvement programs sama sa MSME’s sa tibuok nasud.
Sa kasamtangan nga tuig, ang regional screening committee mao ang nangu sa pag evaluate sa 15 ka mga contenders, kung diin 10 ka niini ang gideklarang mananaog. Gikan sa mga 10 ka mga regional winners, 3 niini ang gikan sa agri-business sector, 2 sa service sector, ug 5 sa industry sector.
Busa ang mga 10 ka mga regional winners mao ang mo representar sa Central Visayas subay sa ipahigayon nga National Productivity Olympics screening, diin 9 niini ang pillion isip National Winners. | via Bombo Irene Ardiente
