Mga mananap sa usa ka farm, dungan nga nanibat

Paspas nga mikatap ang mga mananap nga nakasibat gikan sa usa ka farm sa Indiana human nga daling girespondihan sa mga pulis ang tawag nga nagpahibalo kalabot sa paglatagaw sa mga mananap sa kasikbit nga farm.

Mi-abot ang mga sakop sa Grant County Sheriff’s Office kon diin ilang naabtan ang mga mananap nga nagbadhas sa roadway nga gilangkuban sa mga manok, pabo, itik, gansa ug mga kanding.

Makita sa body camera footage nga gi-share sa social media nga gibalik na sa kinoral nga farm ang maong mga mananap ug nakumpirmar nga wala’y bisan usa kanila ang nawala ug napasakitan.