CEBU CITY-Gipa-imbestigaran ni Lapu-Lapu City Mayor ang usa ka home care sa iyang dakbayan human nga mipaabot og reklamo ug nagpadala og suwat kaniya ang mga minor de edad nga mga babae tungod kay gimaltrato sila.
Pag-asoy ni Chan nga, naasoy sa maong suwat nga ang mga toiletries sa mga bata sa naasoy nga home care sama sa sabon, katunga lang ang ipagamit niini sulod sa usa ka buwan, lakip na matud pa ang sachet nga shampoo usa ka book lang usab sulod sa usa ka buwan.
Dugang pa usab niini,pakan-on lang matud pa ang mga bata og mga sardinas ug usahay pan-os pa.
Tungod niini, naglaslas na ang mga bata sa ilang pulso para maipakita nga nagprotesta sila sa ilang nasinati-an.
Hinungdan nga gi-transfer na sa mayor ang head sa maong home care ug gipa-imbestigaran na kini kauban ang DSWD.
Gihimug-atan ni Mayor Chan nga dili mahimo nga dili amumahon ang mga bata sulod sa home care. Kinahanglan matud pa ang gugma ug ang tarong nga pag-atiman niini.
