CEBU CITY-Walay padulngan ang mga miyembro sa KAPA Ministry International Inc. kung ugaling mu-collapse na kining maong Ponzi scheme.
Kini ang gibutyag ni Danny Patalinghug ang dean sa school of business sa Concolacion Community College.
Gipasabot ni Patalinghug nga mahugno ra sa gihapon kadugayan ang KAPA sanglit dili na gyud kini ka sustinir kay wala man kini produkto nga gibaligya nga makatuyok sa market sa nasud.
Gihimug-atan usab ni Patalinghug nga mao nga miabot ug nakasustiner ang kapa sulod sa 6 ka tuig tungod kay paspas man ang networking apan muabot ang panahon nga mu-collapse kini kung diin napanglantawan ni Patalinghug nga nangandam na daan ang founder nga si Joel Apolinario sa mahitabo.
Dili usab matud pa makagukod ang mga miyembro niini nga wala nay makuha nga kwarta tungod sa gipirmahan niini nga papel nga nag-ingong ang ihatag nga kwarta usa lamang ka donasyon.
