CEBU – Hangyoon na ang mga nagmotorsiklo nga mogamit na lang sa right-most lane sa mga karsada sa dakbayan sa Sugbo.
Kini aron masiguro nga mapahinumdoman sila sa maong polisiya, matud pa sa Cebu City Transportation Office (CCTO), hinungdan nga nagbutang sila og mga road signage aron makagiya sa mga motorista.
Matod ni CCTO Executive Director Paul Gotiong, una na nga ibutang ang mga signage sa mga karsada sa South Road Properties.
Ang pagpatuman sa right-most lane policy alang sa mga motorsiklo kabahin usab sa paningkamot sa CCTO sa paghimo sa hiniusang ug interconnected nga motorcycle lanes sama sa gisagop karon sa ilang mga katugbang sa silingang dakbayan sa Mandaue nga nahimotang sa amihanan ug Talisay sa habagatan.
Sa sayo pa, ang mga sakop sa Cebu City Transportation Committee nakigtagbo sa mga representante sa Mandaue City’s Traffic Enforcement Agency of Mandaue (TEAM) ug sa City of Talisay Traffic Operation Development Authority (CT-TODA) aron hisgutan ang posibilidad sa pagsagop sa Cebu Cordova Link Expressway’s ( CCLEX) blue lanes o ang gituyo nga lane para sa mga motorsiklo.
