-- ADVERTISEMENT --
Gihangop sa mga silingan ang 51 ka mga pasyente gikan sa Barangay Luz, dakbayan sa Sugbo human naayo sa coronavirus disease o COVID-19.
Matud sa tigpamaba sa Cebu City Government nga si Atty. Rey Gealon nga kaduhang nagnegatibo sa coronavirus ang nahisgutang mga pasyente human nakumpleto ang 21-day quarantine period.
Nagagikan sa Sitio Zapatera ang kadaghanan sa mga nangaayo sa maong sakit human gikwarantina sa Barangay Isolation Center.
Mipasalig si Gealon nga padayon ang pagmonitor ug disinfection sa Sitio Zapatera aron dili ma-infect pag-ayo sa makamatay nga virus.
Nanghinaut ang tigpamaba nga masinati usab sa uban pang mga barangay ang malampusong pagpaayo human na-infect sa coronavirus.
-- ADVERTISEMENT --
