CEBU CITY – Gitataw ni Visayas Vaccine Operations Center spokesperson Dr. Mary Jean Loreche nga dili “fakenews” ug tinuod nga posibling makadaug og usa ka milyon pesos ang mga nagbakuna kontra COVID-19.
Subay kini sa gilunsad nga “Resbakuna Bakuna Panalo Promo” sa national government arun mas daghan pang mga indibidwal ang magpabakuna batok sa makamatay nga sakit.
Matud pa ni Loreche nga gawas sa P1 million pesos kay posibling makadaug usab og P500,000 sa second prize, one winner, ug P100,000 sa third prize, diin adunay 10 winners atul na sa Grand Draw.
Samtang, sa buwan sa Setyembre paingon sa Disyembre kay adunay 100 ka mga winner o 25 ka winners matag buwan ang posibling makadaug og P5,000 matag usa.
Arun maka-apil, gi-awhag ni Loreche ang mga nabakunahan, mapa-1st dose o 2nd dose pa kini nga mo-register pinaagi sa pag-send sa ilang pangalan, edad, ug addrees sa 8932 ug ang sunod nga buhaton kay i-text dayun ang brand sa bakuna, dose number, local government unit, ug ang adlaw sa pagpabakuna sa 8933.
Gawas niini adunay pakulo usab ang Ramon Aboitiz Foundation Inc. (RAFI) alang sa “Bakuna Campaign Award” o “Barangay nga Kugihan Moawhag sa Pagbakuna Naay Ayuda,” diin hatagan niini og performance-based incentive award system ang top five performing barangays ang mga LGUs sa Metro Cebu.
Dugang pa ni Loreche nga manghatag ang RAFI og P50,000, P45,000, P40,000, P35,000 ug P30,000, alang sa mga Top 5 performing barangays.// EKP
