Mga nag-protesta sa Nepal, gidauban ang parliament building

Nanawagan si Nepali President Ramchandra Paudel sa iyang katawhan nga maghiusa human sa nagpadayong mga lihok protesta.

Giawhag niya ang mga nagprotesta nga maghimo mga pakigpulong.

Human sa pagluwat sa Punong Ministro nga si KP Sharma Oli, giatake sa mga nagprotesta ang bilding sa parlamento ug gisunog kini.

Giapil usab ang balay sa mi-resign nga Prime Minister human giatake kini sa mga nagprotesta apan gipugngan kini sa mga pulis.

Gawas sa Punong Ministro, daghang mga ministro sa gabinete sa Nepal ang miluwat usab.

Ang Nepali Army nagpagula og apela sa publiko nga magpabiling kalmado.

Kahinumduman nga miulbo ang kagubot dihang gidili sa gobyerno ang paggamit sa social media ingon man ang lapad nga kurapsyon sa nahisgutang nasud.