Cebu City- Muabot sa 62 ka mga indibidwal kon 14 ka mga pamilya gikan sa Marawi City ang naabot dinhi sa dakbayan sa Sugbo sakay sa barko nga gikan sa Cagayan de Oro ganihang buntag.
Matud ni Cebu City Councilor Dave Tumulak nga ang mga nangabot ang apektado sa nagpadayon nga kagubot sa Marawi City. Ang mga nangabot nga mga indibidwal ang gipaubos sa profiling sa DSWD dinhi sa rehiyon 7 una sila gipang drop sa ilang tagsa tagsa ka mga destinasyon. Kasagaran sa mga nangabot ang duna nay pamilya nga maoy ilang kapuy-an dinhi sa Sugbo.
Nakig-alayon na usab si Tumulak sa opisina sa Muslim Affairs dinhi sa Sugbo aron sa pagtabang sa mga otoridad sa pag monitor sa mga bag-ong naabot nga mga biktima sa kagubot sa Marawi.
Gisiguro naman ni Tumulak nga walay diskriminasyon nga mahitabo sa mga nangbakwit gikan sa Marawi taliwa sa hugot nga siguridad nga gipatuman dinhi sa Sugbo , sa kahangawa usab nga masudlan sa teroristang grupo.
