CEBU – Gituohan sa pipila ka mga nagpuyo sa Sitio Bato, Barangay Ermita, syudad sa Sugbo, nga gituyo ang pagsunog sa ilahang lugar subay sa pipila ka mga hulga nga ilahang nadawa kung ugaling dili mubalhin.
Gibutyag ni Winfredo Moro, ang Vice President sa Carbon Alyansahanon nga duha ka buwan ang nakalabay diin adunay usa ka trabahante sa Cebu City Hall ang nanghulga kanila nga kung padayon sila nga magmagahi sa pagbiya sa lugar, giingong sunogon ang ilahang mga panimalay.
Subay niini, giingong nagduda ang pipila kanila nga arson ang hinungdan sa maong sunog.
Hinuon, sa pagkakarun, gisusi pa ang kinatibuk-ang detalye sa maong pagpanghulga basi na usab sa mga nakadungog niini.
Nasayran nga kini na ang ika-siyam nga sunog ang mi-igo sa naasoy nga lugar.
