CEBU – Gilantaw karon sa dakbayan sa Sugbo ang posibleng 300 ngadto sa 400 porsiyento nga usbaw sa buhis aron makatabang sa pagtigom og pundo alang sa gisugyot nga P50 bilyones nga budget ni Mayor Michael Rama alang sa 2023.
Usa kini ka dakong hagit sa habig sa mga magbubuhis ilabi na sa habig sa mga negosyante.
Gani , matod pa ni Charles Kenneth Co, ang presidente sa Cebu chamber of Commerce and Industry -Cebu Chapter, nga ni-angal sila sa dihang ilahang nahibaw-an ang maong panglantaw.
Hinungdan nga dihang nipatawag og public consultation ang city hall, nagpadala ang ilahang buhatan og mga eksperto sa reality valuations.
Didto ilahang nahibaw-an nga dugay nang wala kapasaka sa reality tax.
Matod pa ni Co, nga resonable ang valuation nga gihimo sa city hall.
Apan, hangyo nalang nila nga aron dili makalitan ang mga negosyante , i-anam anam nalang ang paagi sa pagpaningil.
