Mga Obispo nga motambong sa plenary Assembly gikinahanglang maisogon sa baruganan sa national issue-Human LIfe Advocate

CEBU CITY-Gihagit sa usa ka Human Life Advocate ang mga kaobispohan nga motambong sa ipahigayon nga Catholic Bishops Conference of Philippines Plenary nga magmaisogon nga ipaabot ang ilang mga baruganan nga may kalambigitan ang katawhan,sama na sa instant divorce, medicinal marijuana, gay marriage ug pag-usab sa batakang balaod.Matud ni Dr. Rene Joseph Bullecer Chairman sa International Human Life nga adunay dako nga papel ang simbahan niining maong mga hisgutanan isip gihulagway niini nga nagpabiling “moral voice” alang sa katawhan.Naglaom si Bullecer nga dili maimpluwensyahan ang simbahan sa mga anaa sa pamunuan sa gobyerno sa ilang mga baruganan maylabot niining maong isyu.Nasayran nga Ang plenary assembly ang panguluhan mismo ni CBCP President si Davao Archbishop Romulo Valles.Mutambong usab sa maong panagtigum si Apostolic Nuncio to the Philippines Archbishop Gabriele Giordano Caccia.Ang unang bahin sa assembly ipahigayon ang panagtapok sa mga Layko o mga lay ministers ug mga seminary formators nga pagasugdan karong adlawa ug sa Enero 25 mao na ang panagtapok sa mga obispo diin pagahisgutan ang mga national ug local issues ug mopagawas ug official statement ang CBCP pinaagi na ni CBCP President Valles.