Gibutyag ni Atty. Rameses Villagonzalo, International Criminal Court Accredited Lawyer, nga kuwestiyonable ang mga natala nga record sa korporasyon nga gikalambigitan ni Vice President Sara Duterte, hilabi na nga sukwahi ang kita sa negosyo niini nga taliwala sa ka-alkanes, padayun gihapon ang pag-operate.
Matud niini, nga mamahimo nga magpa-subpoena ang mga senator judges, kung diskmpyado kini sa mga nakita nga records, nga base sa pagkuwestiyon ni Senator Judge Bam Aquino, taas ang sales apan gamay ra nga income sa Metro City Chowfoods Corp. ug Gencorp Industries, Inc.
Sigon ni Villagonzalo, kinahanglan nga ipasusi sa mga senator judges kung nagreflect ba ang records nga anaa sa SEC, aron masuta kung aduna bay katingalahan sa financial statements, lakip na ang inflows ug outflows sa kompanya.
Gihimug-atan niini, nga ang kita sa mismong kompanya, wala makalapas sa konstitusyon, Inay ang pagka Bise Presidente niini nga nagbaton og Negosyo o korporasyon ang kuwestiyonable.
Dugang niini, nga ang pagkabaton sa usa ka opisyal og Negosyo o kabahin sa Negosyo, gidili gumikan kay nakalatid kini sa konstitusyon nga kinahanglang mag-divest sa tanang gikalambigitan ang usa ka opisyal sa dili pa mo assumer sa posisyon.
